E Korakora Onimakinani Wanawanan Iehova Iroura Man te Karikibwai

Te koaua bwa e ataa ae te kabanea n tamaroa ibukira Iehova n taai nako? Eng! Ni kakoauaan aei, ti wanawana ngkana ti ongeaba n ana kairiri. (TNR 16:​3, 9) Ma e kona ni kataaki onimakinan ana kairiri iroura ngkana e a aki boraoi ma ara iango. Ti kona ni kakorakoraa onimakinani wanawanan Iehova ngkana ti kananoi ara iango i aon ana karikibwai.​—TNR 30:​24, 25; Ro 1:20.

MATAKU N TE TAAMNEI AE E BAIREAKI RAOI ARONI KARAOANA? A KANGAA KINNONGO NI MWAMWAKURI N AKI TUTUKAKI? AO KAEKAI TITIRAKI AIKAI:

• Tera ae a kakaraoia angia kinnongo ni katoabong?

• A kangaa kinnongo ni mwakuri n aki tutukaki?

• Tera reireiara man aroia kinnongo ni mwamwananga man te tabo teuana nakon teuana?

MATAKU N TE TAAMNEI AE E BAIREAKI RAOI ARONI KARAOANA? AROIA MANIBEERU NI KONA N TEIMATOA NI KIBA, AO KAEKAI TITIRAKI AIKAI:

• Baikara kangaanga aika a kaaitarai aomata ngkana a kabutii wanikiba aika uarereke?

• E kangaa te manibeeru ni kona n teimatoa ni kiba n akean ana ibuobuoki te ang ae korakora?

• A na kangaa aomata ni kakabwaiaaki mani wanawanan te manibeeru?

Tera ae ko noria n te karikibwai n am tabo ae kaota wanawanan Iehova?