Reireinia Am Aomata Bwa A na Karikirakea Aia Onimaki i Bon Irouia

A riai naake a reirei n te Baibara n reiakina ae bati riki i rarikini koaua ake ti reirei iai ma ngaiia, bwa a aonga n atai baika kainnanoi ibukin aia onimaki, ao n ririkirake iai. (Mt 5:3; Ebr 5:12–6:2) A riai naba n rabakau aroia ni karikirakeia i bon irouia n aia onimaki.

N te tai are ko waakina iai am reirei ma am aomata, reireinia aroia ni katauraoi nakon aia reirei n te Baibara, ao kaungaia bwa a na kakatauraoi. (mwb18.03 6) Kaungaia bwa a na tataro imwaini karaoan aia ukeuke n reirei i bon irouia. Buokiia bwa a na rabakau ao ni kona ni kamanenai bwaai ni mwakuri ibukin te ukeuke n reirei. Kabwarabwaraa aroia ni kakarekei baika boou n te jw.org ao n Ana Kanakobwanaa JW^®. Reireinia teutana imwin teutana bwa a na wareka te Baibara ni katoabong, a na katauraoi nakon taiani bobotaki n te ekaretia, ao a na ukeuke ni kakaaei kaekaan oin aia titiraki. Kaungaia bwa a na kananoi aia iango i aoni baika a reiakin.

MATAKU N TE TAAMNEI AE BUOKIIA AM AOMATA BWA A NA KARIKIRAKEA AIA ONIMAKI I BON IROUIA, AO KAEKAI TITIRAKI AIKAI:

• 

  E kangaa Neeta ni buoka Jade bwa e na ataia ae te reirei n te Baibara, e bati riki ae kainnanoaki iai nakon tii ataakin taiani kaeka?

• 

  Tera ae e buoka Jade bwa e na kakoauaa ae e bon eti Iehova ngke e katabuaka te wene ni bure?

• 

  Tera ae e a ataia Jade ni kaineti ma kananoan te iango?