E Kakororaoaki te Mwioko ae Rangi ni Kangaanga Rinanon te Taamnei ae Raoiroi

Ni waakinakon te ririki, ao a a tia ana toro te Atua ni kakororaoi baika kamimi, tiaki n oini korakoraia ma n ana ibuobuoki Iehova. N 1954, ao e a tia ana botaki Iehova ni kaotinakoa te birim ae atuna E Waakinako Ana Botaki Iehova. E katauraoaki irouia kaain te Betaera aika akea rabakauia ni karaobirim. E kakororaoaki te mwioko ae rangi ni kangaanga aei man ana ibuobuoki taamnein Iehova. Ti a kakoauaa iai bwa ngkana ti onimakina Iehova ti na boni kona ni kakororaoi mwiokoara.​—Tek 4:6.

MATAKU N TE TAAMNEI AE KATAURAOAN TE BIRIM AE “E WAAKINAKO ANA BOTAKI IEHOVA,” AO KAEKAI TITIRAKI AIKAI:

• E aera ngke e baireaki bwa e na karaoaki te birim ae rongorongoni kautun ara botaki?

• E kangaa n oti n te birim aei ae titeboo te Betaera ma te rabwata?​—1Ko 12:​14-20

• Baikara aia kangaanga taari ngke a karaoa te birim, ao a kangaa n tokanikai i aoia?

• Tera reireiara man te rongorongo aei, ni kaineti ma taamnein Iehova ae raoiroi?