Ti Karabwaa Iehova n Ami Tangira

A kaotiota te tangira kaain te ekaretia are i Tetaronike nakoia raoia ni Kristian n aki ongei kangaanga. (2Te 1:​3, 4) A kaotiota naba te aeka n tangira anne ana aomata Iehova ni boong aikai, nakoia taari ni katobibia te aonnaba. E kaotaki n te kaongora ae rereitaki ae “How Your Donations Are Used” n te jw.org, aanga aika kamanenaaki iai am bwaintangira ibukini boutokaaia taari, n taai aika kangaanga aikai. Ti kamoamoako ibukin am tangira ao am tituaraoi n anganga.

MATAKU N TE TAAMNEI AE TI AKI TOKI NI “KAITAUA TE ATUA IBUKIMI,” AO KAEKAI TITIRAKI AIKAI:

• Baikara mwakuri tabeua aika boutokaaki n ara bwaintangira?

• Tera ara anga ae te kabanea n tamaroa ni katauraoa te mwane ibukini boutokaaia taari aika kainnanoa te ibuobuoki?​—Nora naba te kaongora n te jw.org ae “E Kabonganaaki te Raka ni Mwane n Itera Riki Tabeua”