“Tai Raraoma”

E buokiia aika maiu ni kainnano i Iteraera rimoa Iehova. Baikara aanga tabeua aika e buokiia iai ana toro aika maiu ni kainnano ni boong aikai?

• E reireinia aron iangoan te mwane n te aro ae riai.​—Rk 12:15; 1Ti 6:​6-8

• E buokiia bwa a na aki bwarannano. ​—Iob 34:19

• E reireinia bwa a na mwakuri korakora ao n rarawa nakon aroaro aika karuanikai.​—TNR 14:23; 20:1; 2Ko 7:1

• E kairiia nakon te botaki n itaritari ni Kristian ae tatangira.​—Io 13:35; 1Io 3:​17, 18

• E angania te kantaninga.​—TA 9:18; Ita 65:​21-23

N aki ongeia bwa korakorara rawawatara, ma ti bon aki riai n raraoma. E na bon tabeakini kainnanora Iehova ngkana ti teimatoa ni moanibwaia moa ana Tautaeka n Uea.​—Mt 6:​31-33.

MATAKU N TE TAAMNEI AE AKEA KABWAKAN TE TANGIRA N AKI ONGEA . . . TE MAIU NI KAINNANO​—CONGO, AO KAEKAI TITIRAKI AIKAI:

• 

  A kangaa taari ake a kaan ma te tabo ni bwabwaro ni kaota te akoi ae aanaki n te tangira nakoia naake a na rianna nakon te bwabwaro?

• 

  Tera reireiara man te taamnei aei ni kaineti ma ana tangira Iehova ibukia aika maiu ni kainnano?

• 

  Ti na kangaa ni kakairi iroun Iehova n aki ongeia bwa ti maiu ni kainnano ke ti aki?