Ti Kaitaua te Atua ao Kristo Ibukin te Inaomata ae Imwaira

Baikara baika ko kabokorakora ma ngaai ni katoa bong? Atun te utu ngkoe ae ko tabeaianga ni mwiokoam aika bati? Te karo ngkoe ae akea buum ae ko kakorakorako ni boutokaa am utu? Te roro n rikirake ngkoe ae ko bwainikirinaki irouia raom n reirei? Ko kabokorakora ma te aoraki ke kangaangan te kara? A bane n iai aia kangaanga aomata nako. A bati Kristian aika rinanoni kataaki aika bati n te tai ae tii teuana. Ma ti ataia ae e a kaani kainaomataara mani kangaanga aikai.​—2Ko 4:16-18.

Ma ngkai moa, ti kona ni kabebeteaki n ataakin ae e atai rawawatara Iehova, e nori ara kakaonimaki ni koaua ao nanomwaakara, ao e na boni kakabwaiaira iai n te tai ae imwaira. (Ier 29:11, 12) E bon tabeakinira naba Iesu. Ngkai ti kakororaoa mwiokoara ni Kristian, e karaui nanora ni kangai: “N na memena iroumi.” (Mt 28:20) Ngkana ti kananoa ara iango n te inaomata ae imwaira i aan ana Tautaeka n Uea te Atua, ti a kamatoaa iai ara kantaninga ao ara motinnano bwa ti na nanomwaaka i aani kataakira ngkai.​—Ro 8:19-21.

MATAKU N TE TAAMNEI AE NGKAI E A ROKO TE ANGIBUAKA, KAATUUA AM IANGO I AON IESU!​—KAKABWAIA MAN TE TAUTAEKA N UEA N TAAI AIKA IMWAIRA, AO KAEKAI TITIRAKI AIKAI:

• A kangaa n ianena aomata mairoun te Atua, ao tera mwina?

• Tera te kantaninga ae mena imwaia naake a kakaonimaki nakon Iehova?

• E kangaa n reke kantaningaan te maiu ae moan te raoiroi anne iroura?

• Baikara kakabwaia n te aonnaba ae boou ae ko ingainga nako iai?