Kakoauaan Ana Kakabwaia Iehova

8:6-9, 12; 9:1-5, 23, 24

E kauraa te ai Iehova ni kabueka te moani karea ni kabuekaki are ibukin Aaron ma kanoana. E oti n aei ana boutoka Iehova ao kukureina n te babaire aei. E kaungaia I-Iteraera Iehova ake a ikotaki ao n nora anne, bwa a na boutoka raoi te nakoa n ibonga aei. Ni boong aikai, e kabongana Iehova Iesu Kristo ae karineaki bwa te Ibonga ae Rietata ae kakannato riki. (Ebr 9:11, 12) N 1919, e a mwiokoa te kurubu teuana ae uarereke Iesu ae kaainaki irouia mwaane aika kabiraki ae “te toro ae kakaonimaki ma ni wanawana.” (Mt 24:45) Tera te bwai ni kakoaua ae kaotaki iai bwa e karekea ana kakabwaia, ana boutoka, ao ana akoi Iehova, te toro ae kakaonimaki?

• N aki ongea te bwainikirinaki ae korakora, e teimatoa te toro ae kakaonimaki ni katauraoi amwarake n taamnei

• N aron ae taetae ni burabetinaki, e na tataekinaki te rongorongo ae raoiroi “n te aonnaba ni kabutaa.”​—Mt 24:14

Ti na kangaa ni boutokaa raoi te toro ae kakaonimaki ma ni wanawana?