Ko Kona n Anga Am Tai ao Korakoram?

N aron are e a kaman taekinna Itaia, ti a nora ngkai te rikirake ae tuai n nonoraki mai mwaina, n iteran ana botaki Iehova i aon te aba. (It 54:2) Ibukin aei, a a kainnanoaki katean Taabo n Taromauri, Taabo Ibukin te Runga, ao ai autin nako te aobiti n tararua. Ngkana a tia kateitei aikai, a na kainnanoa kateimatoaan tamaroaia, ao imwina riki onobwaiaia. Baikara aanga ake ti kona iai n anga ara tai ma korakorara nakon Iehova?

• Ti kona n uataboa te kaitiaki ngkana ana tai ara kurubu ni kaitiaka te Tabo n Taromauri

• Ti kona n anganano bwa ti na ira te kataneiai ibukini kateimatoaan tamaroan ara Tabo n Taromauri

• Ti kona ni kanoaa te booma ae Local Design/Construction Volunteer Application (DC-50) ni buoka iai te mwakuri ni kateitei ao ni katamaroa n te tabo ae ti uakaan ma ngaia

• Ti kona ni kanoaa te booma ae Application for Volunteer Program (A-19) ao n anganano bwa ti na ibuobuoki teuana te wiki ke e nako riki n te Betaera ke n taabo riki tabeua

MATAKU N TE TAAMNEI AE E A BAIREAKI TE MWAKURI NI KATEITEI​—MWAKORONA, AO KAEKAI TITIRAKI AIKAI:

• Tera te rikirake ae kamimi ni kaineti ma kamanenaan taian taamnei, ni moa man 2014?

• Ibukini kateimatoaani karaoan taamnei ibukin ara taromauri, tera te mwakuri ae e a baireaki, ao maanra te mwakuri anne?

• A na kangaa taan anganano n ibuobuoki n te mwakuri aei?

• Ngkana ti kan ibuobuoki n te mwakuri ni kateitei i Ramapo, e aera bwa ti riai ni kanoaa te booma ni bubutii (ae DC-50) ao n ibuobuoki ma kaain te Local Design/Construction, are ti uakaan ma ngaia?

• Tera te bwai ni kakoaua ae bon Iehova ae kaira te mwakuri ni kateitei aei?

• Ti na kangaa ni boutokaa te mwakuri ni kateitei aei, e ngae naba ngkana ti aki kona n ira karaoana?