E Aki Ataia Barao Are Kainikatonga ae E Buoka Kakororaoan Ana Kantaninga te Atua

8:​15, 18, 19; 9:​15-17

A iaiangoiia taiani barao i Aikubita bwa atua ngaiia. Ti a ota iai bwa bukin tera ngke e rangi ni kainikatonga Barao n aki kan ongo irouni Mote ma Aaron, ao irouia naba ana ibonga aika taan tabunea.

Ko kakauongo ngkana a taekina aia iango tabemwaang? Ko kakaitau ngkana e anga te reirei ni kairiri temanna nakoim? Ke ko iangoia bwa ko a bon etieti naba n taai nako? “Te nanorieta e rimoan te kabuanibwai.” (TNR 16:18) Ai kakawakira bwa ti na tarataraira man te nanorieta!