MAIURA NI KRISTIAN
Katotonga Ioteba—Birinako Man te Wene ni Bure
E katea te katoto ae tamaroa ibukira Ioteba ngkana ti kaririaki nakon te wene ni bure. Ni katoatai are e kataia iai buun ana toka ni kariria bwa e na wene ma ngaia, ao e bon rawa. (KB 39:7-10) N ana kaeka ae kangai: “N na kangaa ni karaoa te buakaka ae korakora aei ao ni bure nakon te Atua?” e oti iai bwa e a kaman iaiangoa ana iango Iehova ni kaineti ma te kakaonimaki n te mare. Ao ngke e a roko ni korakorana te kariri, e birinako n oneani mwin are e na tiku ao ni kariaia te aine anne bwa e na kamamaraa ana motinnano.—KB 39:12; 1Ko 6:18.
MATAKU N TE TAAMNEI AE BIRINAKO MAN TE WENE NI BURE, AO KAEKAI TITIRAKI AIKAI:
Tera te baere e rinanona Jin?
Tera te titiraki are e bon titirakinna iai Jin ngke e bubutii Mee-Kyong bwa e na buokia n te numera?
Tera aron Jin nakon ana bubutii Mee-Kyong?
E kangaa n reke buokan Jin?
Tera ae e karaoia Jin bwa e aonga ni birinako man te wene ni bure?
Baikara reireiara man te taamnei aei?