“Kaaki Atua Aika Ianena”

E ataia Iakoba bwa e riai n taromauriaki Iehova n tii ngaia, e ngae naba ngke E tuai n anga te tua ibukini katabuakan taromauriani bouannanti. (TO 20:​3-5) Ngaia are ngke e tia Iehova n tuangnga bwa e na okira Betaera, e a tua Iakoba nakoia aomata ake raona bwa a na kaaki aia bouannanti. Imwina e karenakoi Iakoba taiani bouannanti, n ikotaki naba ma taabia, ake aongkoa bunna ibukini kamanoaia. (KB 35:​1-4) Ti aki nanokokoraki bwa e boni kukurei Iehova ni baike e karaoi Iakoba.

N ara bong aikai, ti na kangaa n taromauria Iehova n tii ngaia? Te moanibwai ae kakawaki, ti riai n rarawa nakoni baika irekereke ma taromauriani bouannanti ke te tabunea. E nanonaki naba iai kanakoani baika irekereke ma te tabunea, ao ti na taratara raoi ni kaineti ma ara kaakibotu. N te katoto, titirakiniko ni kangai: ‘I tatangiri booki ke taamnei aika iai te vampire iai, te zombie, ke te mwaaka ae kamimi? A kaota te tabunea, te kakaraoi ke manibuakaan temanna bwa baika aki karuanikai?’ Ti bon riai ni kararoaira ma baike e ribai Iehova.​—TA 97:10.

MATAKU N TE TAAMNEI AE “RARAWA NAKON TE RIABORO,” AO KAEKAI TITIRAKI AIKAI:

• 

  Tera te kangaanga ae e rinanona Palesa are reirei n te Baibara?

• 

  E aera bwa ti wanawana ngkana ti ukera aia ibuobuoki unimwaane ngkana iai ana kangaanga ma te tabunea, ara reirei n te Baibara?

• 

  Baikara baika a riai ni kaaki naake a tangira ana kamanomano Iehova?

• Tera te motinnano ae raoiroi are e karaoia Palesa?

• Baikara aanga tabeua ibukin totokoan aia kariri taimonio n te tabo are ko mena iai?