Karikirakean Rabakaura n te Mwakuri ni Minita—Te Uarongorongo Nakoia Mataki

BUKINI KAKAWAKINA: A bati mataki aika a aki kani maroro ma aomata aika aki kinaia. Ngaia are ti riai n rabakau arora n uarongorongo nakoia. E kaota Iehova tabeakinaia mataki. (NI 19:14) Ti kona ni kakairi n ana katoto ngkana ti biririmoa ni buokiia mataki bwa a na reiakina taekan Iehova.

ARONI KARAOANA:

• ‘Kakaaeia’ aika mataki. (Mt 10:11) Iai te utu ae ko ataia ae iai kaain ana auti ae mataki? Iai n am aono te reirei, taabo ni maeka ake a tararuaaki iai mataki, ke taabo riki tabeua ake a na kani butimwaei booki aika katauraoaki ibukia mataki?

• Kaotiota tabeakinaia. E kona n aki maakiniko te aomata ae mataki ngkana ko kaotiota te iraorao ao te mwamwannano. Kataia ni moana te maroro i aon te bwai ae a kan ongora iai kaain am aono

• Buokiia bwa a na kinaa Iehova. E a tia ana botaki te Atua ni katauraoi booki aika kakaokoro ibukini buokaia mataki ke naake e aki raoiroi aia taratara. Titirakina te aomata ae mataki bwa tera arona n reirei ae e tangiria. E riai te mataniwi ibukin te mwakuri n taraia raoi bwa e na kanoaa te booma ni bubutii te tari are tabe ma booki, n teina are e tangiria te mataki