MAIURA NI KRISTIAN

Aroia Taanga ni Kakorakoraa Aia Tangira n Aia Mare

Boni katoto aika tamaroa ibukia raao ni mare Aberaam ao Tara ake a tangiriia ao ni karineia i marenaia. (KB 12:11-13; 1Be 3:⁠6) Ma e bon aki kororaoi aia mare, ao a kaaitara naba ma kangaanga ni maiuia. Tera reireiaia taanga ni mare n iaiangoan aia katoto Aberaam ao Tara?

Uaia ni mamaroro. Bwaina te nanorinano ngkana e taetae n un buum ke e maraki nanona. (KB 16:5, 6) Karekea ami tai ae tii ngkami iai. Kaota tangiran buum n am taetae ao n am mwakuri. Ao ae kakawaki riki, karina Iehova n ami mare man aromi n ukeuke n reirei, n tataro, ao n taromauri. (TM 4:12) Te mare ae teimatoa e karineaki iai Iehova ae te tia Karaoa te babaire ae tabu aei.

MATAKU N TE TAAMNEI AE ARONI KAKORAKORAAN TE TANGIRA N TE MARE, AO KAEKAI TITIRAKI AIKAI:

Baikara kanikina tabeua ae e oti iai bwa e a moanna ni bua aia tangira Shaan ao Kiara?
E aera bwa e kakawaki te uaia ni mamaroro n akea te imamaakin irouia taanga?
A kangaa ni buokaki Shaan ao Kiara n aia katoto Aberaam ao Tara?
Baikara baike a karaoi Shaan ao Kiara ibukini kakorakoraan te tangira n aia mare?
E aera bwa a aki riai taanga ni kantaningaia bwa e na kororaoi aia mare?

Taamnei: Kanoan te taamnei ae ‘Aroni Kakorakoraan te Tangiria Irouia Taanga ni Mare.’ A karaoi mwaneka Shaan ao Kiara ibukini kakorakoraan te tangira n aia mare. 1. A uaia n tekateka ni katannako. 2. A uaia n taubai. 3. A uaia n uarongorongo ao a a kukurei. — Ko kona ni kakorakoraa te tangira n am mare!