“Tii Teuana Aia Taetae . . . Kaain te Aonnaba ni Kabane ae A Teimatoa ni Kabongana”

11:1-4, 6-9

E kamaenakoia aomata aika aki ongeaba Iehova i Babera ngke e kamangaoa aia taetae. Ni boong aikai, e a ikotiia te koraki ae uanao mai buakoia botannaomata ma taian taetae ao e angania “te taetae ae itiaki” bwa a “aonga n taboa aran Iehova, ao n taromauria ma te katiteuanaaki.” (Tbn 3:9; Kao 7:9) “Te taetae ae itiaki” aei bon te koaua ibukin Iehova ma ana kantaninga aika n te Koroboki ae Tabu.

E bati riki ae kainnanoaki n reiakinan te taetae ae boou nakon tii kamatenanoan taeka aika boou. E kainnanoaki iai reiakinan arom ni karina tein te iango ae boou. N aron anne, ngkai ti a reiakina te taetae ae itiaki, e a onikaki iai arora n iaiango. (Ro 12:2) Bon aei te reirei ae reitinako karaoana ike a a katiteuanaaki iai ana aomata te Atua.​—1Ko 1:10.