BAIKA KAKAWAKI AIKA MENA N ANA TAEKA TE ATUA | 2 IOANE 1-13; 3 IOANE 1-14–IUTA 1-25
Ti Riai ni Kakorakoraira ni Buaka Bwa Ti na Teimatoa n te Koaua
E kaumaki Iesu ni kangai: “Kakorakoraingkami n rin n te mataroa are wariki.” (Rk 13:24) E kaotaki n ana taeka Iesu bwa ti riai ni kakorakoraira ngkana ti na karekea tangirara iroun te Atua. E kairaki n te taamnei Iuta ae ai tarin Iesu bwa e na korea ae titeboo ma anne ae kangai: “Kakorakoraingkami ni buaka ibukin te onimaki.” E kainnanoaki te kakorakora ni karaoani baikai:
Rarawa nakon te wene ni bure.—Iuta 6, 7
Karineia naake a tautaeka.—Iuta 8, 9
Kamatoaa ara koaua n ara “onimaki ae moan te tabu,” ae te reirei ni Kristian.—Iuta 20, 21