Te Aroaro ae Itiaki ao te Karinerine ae Bati E Rota te Nano

N angiin te tai, buuaine ake a riki bwa kaain te onimaki, a anai nanoia buuia nakon te koaua n aroaroia ae raoiroi. Ma e ngae n anne, e kainnanoaki te nanomwaaka i aani kangaanga i nanon ririki aika bati. (1Be 2:​21-23; 3:​1, 2) Ngkana ko kaaitara ma te ribuaka, teimatoa ni kataenikaia te buakaka n te raoiroi. (Ro 12:21) E kona n anaaki nanoni buum n am katoto ae raoiroi, ma tiaki tii n am taetaenikawai.

Kataia n iangoi bwaai n aron iangoaia irouni buum. (Brb 2:​3, 4) Kaota te atataiaomata ao te nanoanga, ao karaoa am kabanea ni konaa ni kakororaoa tabem ma te karinerine. Bwaina te kakauongo raoi. (Iak 1:19) Bwaina te taotaonakinnano, ao kaokaota am tangira nakoni buum. Ngkana e aki kaokaota ana akoi ao ana karinerine buum n aron ae ko kakaraoia, karaua nanom bwa e rangi ni kakawaki am kakaonimaki iroun Iehova.​—1Be 2:19, 20.

MATAKU N TE TAAMNEI AE E KAKORAKORAIRA IEHOVA N UOTII UOTARA, AO KAEKAI TITIRAKI AIKAI:

• Tera aroni maiun Grace Li ngke e moan tekateka n taanga?

• Tera ae e anaa nanona nakon ana koaua te Baibara?

• E kangaa Sister Li n nanomwaaka i aani kangaanga imwini bwabetitoana?

• Tera ae e tataroia Sister Li ibukini buuna?

• Baikara kakabwaiaan Sister Li man aroarona ae itiaki ao te karinerine ae bati?