Rooro n Rikirake​—“Ingainga ni Kani Karaoi Mwakuri Aika Raraoi”

N ana reta te abotoro Bauro ae kairaki koreana n te taamnei nakon Tito, e korea iai ae a riai rorobuaka n ataei n ikotaki ma Tito ni kaotiia ni ‘bwaai ni kabane bwa banna ni katoto ni karaoani mwakuri aika raraoi.’ (Tit 2:​6, 7) Imwina riki n te mwakoro naba anne, e taekinna bwa a kaitiakaki ana aomata Iehova bwa a aonga n “ingainga ni kani karaoi mwakuri aika raraoi.” (Tit 2:14) Teuana mai buakoni mwakuri akanne bon te uarongorongo ao te angareirei i aon taekan Ana Tautaeka n Uea te Atua. Ngkana te roro n rikirake ngkoe, ko kona ni kamanena korakoram ni beku bwa te bwaiania ae aki katoatai ke ae katoatai?​—TNR 20:29.

Ngkana ko kani bwaiania, karaoa am babaire bwa ko aonga n roko iai. (Rk 14:​28-30) N te katoto, ko na kangaa ni boutokaa am kabanemwane ngkana ko a kabwanina am tai n te mwakuri ni minita? Ko na kangaa ni kakoroa te aoa ae katauaki ibukia bwaiania? Tataro nakon Iehova ibukini buokam. (TA 37:5) Maroroakina am babaire ma am karo ao naake a nakoraoi aia mwakuri ni bwaiania. Imwina, karaoi bwaai tabeua ake ko na roko iai n tiam. E na boni kakabwaiaa Iehova am kakorakora ao ingaingam n am beku ibukina!

MATAKU N TE TAAMNEI AE ROORO N RIKIRAKE AIKA KARINEA IEHOVA, AO KAEKAI TITIRAKI AIKAI:

• Baikara kangaanga ake a a tia n tokanikai iai tabeman ao n riki bwa bwaiania, ao a kangaa ni karaoa anne?

• A na kangaa kaaro ni buokiia natiia bwa a na riki bwa bwaiania aika katoatai?

• E aera ngkai e kakawaki bwa e na iai am babaire ibukin te uarongorongo?

• A na kangaa kaain te ekaretia ni kaungaa te bwaiania ao ni buokia?

• Baikara kakabwaiaaia naake a beku bwa bwaiania?