Karaoa Am Ukeuke n Reirei Bwa E na Uaana Riki

BUKINI KAKAWAKINA: Ti buokaki n ara ukeuke n reirei n Ana Taeka te Atua bwa ti na “mataata raoi . . . n raababan ao n abwakin ao n rietan ao n nanon” te koaua. (Ebt 3:18) Ti buokaki naba iai bwa ti na teimatoa n aki kabuakakaaki ao n aki waewaeaki i buakoia kaain te aonnaba ae buakaka aei ao n “taua raoi taekan te maiu.” (Brb 2:​15, 16) Ti kona n rinea te kaongora ae ti boni kainnanoia ngkana ti ukeuke n reirei n Ana Taeka te Atua. Tera ae ti na karaoia bwa ti aonga ni karekei kakabwaiaara mani warekan te Baibara ao te ukeuke n reirei iai?

ARONI KARAOANA:

• Kanikinaei kiibu ao korei baika kakawaki n oin am Baibara ibukin am ukeuke n reirei, tao n te beeba ke n am tablet

• Titirakiniko n titiraki aikai ngkana ko wareka Ana Taeka te Atua: ‘Antai? Tera? N ningai? Ia? Bukin tera? N te aro raa?’

• Kabwanina te rongorongo. Karaoa am kakaae i aon te rongorongo ke kibun te Baibara teuana ni bwaai ni mwakuri aika katauraoaki

• Kananoa am iango n te baere ko warekia bwa ko aonga n ataa aron irekerekena ma ngkoe

• Maiuakini baika ko reiakin ni katoabong.​—Rk 6:​47, 48

MATAKU N TE TAAMNEI AE TEIMATOA N “TAUA RAOI”​—RINANON TE UKEUKE N REIREI AE UAANA, AO KAEKAI TITIRAKI AIKAI:

• Tera aroia tabeman ni kabwarabwaraa te ukeuke n reirei?

• E aera bwa ti riai ni moana ara ukeuke n reirei ma te tataro?

• Tera ae e na buokira bwa ti na ota riki ni kibun te Baibara teuana?

• Tera ae ti kona ni kamanena ni kanikinaea iai ara Baibara ibukin te ukeuke n reirei?

• E aera bwa e kakawaki kananoan te iango n te ukeuke n reirei n Ana Taeka te Atua?

• Tera ae ti riai ni karaoia ma baika ti reiakin?