BAIKA KAKAWAKI AIKA MENA N ANA TAEKA TE ATUA | 2 I-KORINTO 4-6
‘E Aki Bwara Nanora’
Iangoiia utu aika uoua aika a mena n te auti ae e a mka. E bwara nanoia kaain te utu are teuana. Ma e kamimi bwa a kukurei kaain te utu are teuana. Bukin tera? A nang mwaing nakon te auti ae tamaroa ae boou.
E ngae ngke “a teimatoa ni ngirangira ao ni maraki ni karokoa ngkai, bwaai ni kabane aika karikaki” ma iai aia kantaninga ana toro te Atua ae buokiia ni kateimatoaia. (Ro 8:22) Ti ataia bwa ara kangaanga ngkai, n ikotaki ma ake ti karawawataaki iai i nanon ririki aika bati, a boni ‘kai toki ao a bebete’ ni kabotauaki ma te maiu ae aki toki n ana aonnaba te Atua ae boou. Kaatuuan iangoani kakabwaia man te Tautaeka n Uea nakon taai aika imwaira, ti na buokaki iai bwa ti na kukurei ao e na aki bwara nanora.