Ko Nori Aroaron te Atua Aika Aki Nonoraki?

Ngkana ko tataraa te uee ae kirimatamata, itoi aika bati i karawa, ke rurungaan te bwaro n ran, tiaki bwa ko a nori ana mwakuri te tia Karikiriki? A teretere raoi aroaron Iehova aika aki nonoraki mani baika karikaki aika otabwaninira. (Ro 1:20) Ngkana ti tei moa ao n iaiangoi baika ti nori, ti a kona n ataa iai mwaakan te Atua, ana tangira, wanawanana, ao ana kaetitaeka ae riai, n ikotaki naba ma tituaraoina.​—TA 104:24.

Baikara ana karikibwai Iehova aika ko nonori ni katoabong? Ngkana ko maeka n te kaawa ae bubura ko boni kona naba n nori mannikiba ke aroka. Ngkana ti mamatakuakin ana karikibwai Iehova, ti kona ni buokaki iai bwa ti na aki raraoma, ti na kaatuua iangoani baika kakawaki riki, ao e na rikirake iai onimakinan Iehova bwa e kona n tabeakinira n aki toki. (Mt 6:​25-32) Ngkana iai natim, buokiia bwa a na atai aroaron Iehova aika akea kabotauaia. Ti na boni kaaniaki riki ma te tia Karikiriki ngkana e a rikirake ara kakaitau ibukin ana karikibwai aika otabwaninira.​—TA 8:​3, 4.

MATAKU N TE TAAMNEI AE THE WONDERS OF CREATION REVEAL GOD’S GLORY​—LIGHT AND COLOR, AO KAEKAI TITIRAKI AIKAI:

• E aera bwa ti kona n nori taiani kara?

• Tera ae karekea te raneanea?

• E aera bwa ti nori taiani kara aika kakaokoro i karawa?

• Baikara taiani kara aika kantara n te karikibwai aika ko nori i rarikini mwengam?

• E aera bwa ti riai ni karekea ara tai ni matakuakina te karikibwai?