E Mate Iesu Ibukin Tarim Naba

E kareana maiuna Iesu ibukia aomata aika aki kororaoi. (Ro 5:8) Ngaia are ti bane n ataia bwa e kaota tangirara Iesu ngke e anga maiuna ibukira. Ma e ngae n anne, n tabetai ao ti a riai ni kauringira ae e mate Kristo ibukia tarira naba. Ti na kangaa ni kaotiota ana tangira Kristo anne nakoia tarira n te onimaki aika aki kororaoi n ai arora? Iangoi aanga aika tenua. Te moan, ti kona ni karababaanako ara iraorao nakoia naba aika kaokoro aroia ma ngaira. (Ro 15:7; 2Ko 6:12, 13) Te kauoua, ti kona n taratara raoi bwa ti na aki taekin ke ni karaoi baike a kona n un iai aomata. (Ro 14:13-15) Te kabanea, ngkana iai ae e bure nakoira, ti kona ni waekoa ni kabwaraa ana bure. (Rk 17:3, 4; 23:34) Ngkana ti kakorakoraira ni katotonga Iesu n itera aikai, e na teimatoa Iehova ni kakabwaiaa ara ekaretia ni karekea te rau ao te katiteuanaaki iai.

MATAKU N TE TAAMNEI AE KATAMAROAKO RIKI! AO KAEKAI TITIRAKI AIKAI:

• 

  Tera ana namakin Miki n te moantai ibukin ana ekaretia?

• 

  Tera ae karekea bitakin ana namakin?

• 

  E kangaa ana katoto Iesu ni buoka Miki bwa e na bita ana iango? (Mrk 14:38)

• 

  E kangaa Taeka N Rabakau 19:11 ni buokira n tarai raoiroia taari?