Uringa Buun Rota

E aera ngke e tanrikaaki buun Rota ngke e birinako mai Totom? E aki kaotaki n te Baibara. (KB 19:17, 26) N tein ana taeka ni kauring Iesu, e oti iai bwa e bae neiei n tangiri ana bwai ake a tiku imwina. (Rk 17:31, 32) Ti na kangaa n rarawa ni kabuaa akoara iroun te Atua n aroni buun Rota are kabuaa akoana? Ti aki riai ni kariaia tangirani bwaikorakin te maiu aei bwa e na moanibwai iroura. (Mt 6:33) E reireinira Iesu bwa ti “aki kona ni kaai n toro iroun te Atua ao te Kaubwai.” (Mt 6:24) Ma tera arora ngkana ti a ataia bwa a a moanna bwaikoraki ni katikiiranako man ara beku ibukin te Atua? Ti kona n tataro nakon Iehova ibukin te wanawana bwa ti aonga n atai itera ake ti riai ni karaoi iai bitaki ao te ninikoria ma te korakora ibukini karaoana.

URINGA TE TAAMNEI AE TENUA MWAKORONA AE URINGA BUUN ROTA, AO KAEKAI TITIRAKI AIKAI:

• 

  E kangaa te kariri ibukini karekean te mwane ae bati riki n rota ana iango Kirooria, ana taetaenikawai, ao aroarona?

• E kangaa n riki buun Rota bwa te kauring nakoira ni boong aikai?

• E kangaa maiuakinani booto n reirei man te Baibara ni buoka Joe ma ana utu?

• E kangaa n rotaki ana onimaki Anna n ana iraorao n ana tabo ni mwakuri?

• E aera bwa ti kainnanoa te ninikoria ngkana ti kaririaki bwa ti na moanibwaia te mwane ni maiura?

• A kangaa Brian ao Kirooria ni manga moanibwaia aia beku ibukin te Atua?

• Baikara ana boto n reirei te Baibara ake ko nori aika kaotaki n te taamnei aei?