E ngae ngke te Toa ae te Riao tiaki bannan te Kauring, ma iai bwaai tabeua n te Toa ae te Riao aika kakawaki ibukira. N te katoto, te abotoro Bauro e arana Iesu bwa “te Tiibutetei ae ara karea ibukin te Toa ae te Riao.” (1Ko 5:7) N aron are e kamaiuia aomata raraan te tiibutetei ni bouan te mataroa, a kamaiuaki naba aomata n raraan Iesu. (TO 12:12, 13) E aki oteaki naba teaina riin te tiibutetei ibukin te Toa ae te Riao. N aron anne, e aki oteaki naba riin Iesu teaina, e ngae ngke te katei ae bwabwainaki ni kamateaia aomata.—TO 12:46; Io 19:31-33, 36.