Ko Kabonganai Raoi Beeban Ara JW.ORG?

Ngkai e a uakaan rokon te rawawata ae korakora, e a kaumakaki riki ara mwakuri n uarongorongo. (TNR 24:11, 12, 20) Ngkana ti na buokiia aomata, ti kona ni kabonganai beeban ara atureti ni kairi aia iango nakon Ana Taeka te Atua ao ara atureti n te intanete. Iai te code n te beeba aei ae kairiri nakon te taamnei ae E Aera Ngkai E Raoiroi te Reirei n te Baibara? ao te kakao ibukini karekean riki rongorongo tabeua ke te reirei n te Baibara. A rawa tabeman ni butimwaei ara boki ma a kukurei ni kawara ara atureti n te intanete. Tai tabwara n angania te beeba aei. Ma tai katikui beeba aikai irouia aomata aika aki kan ongora.

Ni karaoan am mwakuri ni katoabong, ko kona ni kauekea kan ongoran temanna tii man taekinan aei: “I kan anganiko te beeba aei. Ko na kairaki iai nakon te atureti teuana n te intanete ae a aki kabooaki rongorongo ao taamnei aika kakaokoro reirei iai.” (Io 4:7) Ibukina bwa a uarereke beeba aikai, ko bae ni kona ni kawakin tabeua iroum bwa ko aonga n angania tabeman n taai ake ko boo ma ngaiia iai.