BAIKA KAKAWAKI AIKA MENA N ANA TAEKA TE ATUA | TAIAN ARERU 45-51

E na Aki Rawa Iehova Nakon te Nano ae Uruaki

E rotaki mataniwin nanon Tawita ngke e ongo te kaikonaki ae taekan te mwaane ae maiu ni kainnano are e a anaaki ana tiibu iroun ae kaubwai

E koreaki Taian Areru 51 iroun Tawita imwini kaotan ana bure ae kakaiaki ma Batateba iroun te burabeti ae Natan. E rotaki iai mataniwin nanon Tawita ao e nanorinano ni kaota ana bure.—2Ta 12:1-14.

E a tia ni bure Tawita ma e boni kona ni manga oki marurungin ana onimaki

51:3, 4, 8-12, 17

Imwin rairan nanona ao kaotan ana bure, e a karawawataaki ni mataniwin nanona
E karawawataaki n aron anne ngke e aki kakukureia te Atua ao e namakinna bwa kaanga te mwaane ae a kamanatuaaki riina
E rangi n tangira kabwaraan ana bure, kaokani marurungin ana onimaki, ao kimwareireina are rimoa
E nanorinano ni bubutiia Iehova bwa e na buokia ni karikirakea te nano ni kan ongeaba
E aki nanououa bwa e na boni kabwaraa ana bure Iehova