‘Walk by Faith, Not by Sight’

E koreia te abotoro Bauro tabeua te tai imwain ninian ao kamaunaan Ierutarem, bwa a riai n ataia Kristian ae a na riki kangaanga ao n aki moanibwai baika a na toronibwai ao ni kukurei iai, ngkai tautia ngaiia aika raoiroi ibukini Kristo. (2Tim. 2:3, 4) Ngkai e nang taonakinako n te kabuanibwai te aonnaba aei ae akea iai tangiran te Atua, ti kainnanoa te onimaki ae korakora ngkana ti na kaatuui iaiangoani bwaai n taamnei. (2Kor. 4:18; 5:7) Mataku n te birim ae ‘Walk by Faith, Not by Sight.’ (Nakon jw.org, i aan PUBLICATIONS > VIDEOS.) Nora aron tangirani bwaikorakin te maiu aei n riki bwa te bwai ni kamwane ae karika maten Naham ao Abital. Imwina rinanoi titiraki aikai.

(1) Tera “te bwai ae koro n ribaaki . . . [ae] e tei n te tabo ae tabu” n te moan tienture, ao tera ae a riai ni moantaai ni karaoia Kristian ake i Ierutarem? (Mat. 24:15, 16) (2) E aera ngkai e kainnanoaki te onimaki ibukin te birinako man te kaawa? (3) Baikara naba bwaai aika a na kakeaaki n tain te birinako? (4) E aera ngkai a baenikai Naham ao Abital? (Mat. 24:17, 18) (5) Tera riki kataakin ana onimaki Rachel ae aitara ma ngaia ngke e a kitana Ierutarem? (Mat. 10:34-37; Mareko 10:29, 30) (6) E kangaa Ethan ni katea te katoto ae raoiroi ibukin te onimaki ao onimakinan Iehova? (7) Baikara kangaanga aika a rinanona Kristian ake i Bera? (8) E kangaa ni moanna ni mamaara aia onimaki Naham ao Abital? (9) Tera aron Iehova n tabeakinia Kristian ake i Bera? (Mat. 6:33; 1Tim. 6:6-8) (10) Ti na kangaa ni katotongia Aberaam ao Tara ngkai ti a aitara ma tokin te waaki ae ngkai i aon te aba? (Ebera 11:8-10) (11) A kangaa ni motikia i bon irouia Naham ao Abital bwa a na okira Ierutarem ao bukin tera ngkai e aki riai aia iango anne? (Ruka 21:21) (12) Tera aron te maiu i Ierutarem ngke a a okiria Naham ao Abital? (13) E aera bwa ti riai ni kakorakoraa ara onimaki ngkai​—imwain tokin te waaki ae ngkai i aon te aba?​—Ruka 17:31, 32; 21:34-36.

Te nakonako n te onimaki e nanona (1) onimakinan ana kairiri Iehova, (2) butimwaean ana kairiri bwa e na kairi kawaira, ao (3) kaotan ae a kakawaki iroura bwaai n taamnei nakoni bwaikorakin te maiu aei. Ti bia motinnanoia ngkai bwa ti na nakonako n te onimaki ao ni kakoa­uaa ae “a tabe ni maunanako kaain te aonnaba ma baike a tatangiri, ma e teimatoa n aki toki ane kakaraoa nanon te Atua.”​—1Ioa. 2:17.