Karikirakean Rabakaura n te Mwakuri ni Minita​—Kataneiaakia Aika Boou

Bukini Kakawakina: E tua Iesu bwa a riai taan rimwina aika boou n rabakau ni kakairi “ni bwaai ni kabane,” ae irekereke naba iai reiakinaia aomata te koaua. (Mt. 28:19, 20) A bati aika boou aika tau ake a tia ni kaaina te Kuura ni Kataneiai Ibukia Taan Uarongorongo, ao ni bae n tia n uarongorongo n te tai ae aki baireaki nakoia aia utu ke raoraoia. Ngaia are, ngkai e a rikirake tangirani baike a reiakin ao n ataia ae e tangiriia aomata nako Iehova bwa a na ongo te rongorongo ae raoiroi, a bae ni kani boutokaa te mwakuri ni minita. (Ro. 10:13, 14) Imwin rikiia naakai bwa taan uarongorongo aika a tuai ni bwabetitoaki, a kona ni buokaki man te reirei ni kataneiai ae raoiroi bwa a na mwaatai riki ngkai a a karaoa te mwaneka ae kakawaki aei ibukin rikirakeia n aia mwakuri ni minita.—Rk. 6:40.