Baika Kakawaki n te Mwakuri ni Minita

A karekeaki rongorongo aika kakukurei mairouia taan uarongorongo ao bwaiania ake a tauraoi ni karaoi aono aika aki tauaki mwia i nukan Viti Levu ao ake i meangin nako Vanua Levu. A bati ni kaawa aikai ao ake a uakaan riki ae a tibwa butimwaea te rongorongo ae raoiroi mairouia tarira, ma iai i buakoia ake a kamani wawareki ara boki ao n reirei n te Baibara imwain rokoia n taabo aikai. A bati ara boki ao maekatin ake a anaaki irouia. Iai tabeman ake a tangira te reirei n te Baibara ao a teimatoa n tataningaa okin temanna are e na waakinna ma ngaiia.