Ingainga ni Kaungaira i Marenara Nakoni Karaoani Mwakuri Aika Raraoi

E kaungaira Ebera 10:24 bwa ti na “iaiangoira” i marenara ni kaungaira nakon te tangira ma mwakuri aika raraoi.” Ti kaungaia tarira n ara katoto ao ni kaotiotan ara onimaki. Tibwai am rongorongo aika raoiroi ma kaain te Ekaretia. Kaota nakoia te kimwareirei ae ko namakinna ngkai ko beku ibukin Iehova. Tai kariaia naba bwa ko na kabotauko ma tabemwaang. (Kar. 6:4) Teimatoa kabongana korakoram ni kaungaia tabemwaang n te “tangira ma mwakuri aika raraoi,” ma tiaki n te rawawatannano. (Nora te boki ae te Ministry School, i. 158, bar. 4.) Ngkana ti na karikirakea te tangira, ti riai ni karaoi mwakuri aika raraoi nakoia tabemwaang ni bwaai n rabwata ke n uarongorongo nakoia.—2Ko. 1:24