Tataekina te Koaua Ibukin Iesu ma te Ingaingannano

E kona n rikirake ingaingan nanora ngkana ti mwaatai n taekina te koaua ibukin Iesu nakoia tabemwaang. Iesu bon atibun te maninganinga are e kateaki iai te koaua. (Ebt. 2:20) Ngke akea ngaia, bon akea kantaningaan te maiu iroura. (Mwa. 4:12) Ngaia are, e kakawaki ataakin mwiokoan Iesu n ana babaire te Atua. A bati aika a mwamwanaaki n reirei aika aki boto man te Baibara. E kananokawaki bwa e a aki reke irouia te kakabwaia are e beritanna te Atua ibukia te koraki ake a onimakina Iesu. Ingaingara ibukin te koaua, e na kairira bwa ti na buokia te koraki aika raoiroi nanoia bwa a na karekea te atatai ae eti ibukin Iesu, ana itoman ae kaan ma te Atua ao mwiokoana n ana babaire te Atua. Ko ingainga n tataekina te koaua ibukin Iesu n namwakainan te Kauring aei?