Kaongora

◼ Te boki ae na anga te aba n namwakaina aika Ritembwa: Tera Ana Reirei ni Koaua te Baibara? ke Ko Kan Ataa te Koaua? Tianuare ao Beberuare 2015: Te boroutia ae te Rongorongo ae Raoiroi Mairoun te Atua! Maati ao Eberi: Te maekatin ae Te Taua-n-Tantani.

◼ E na karaoaki te Kauring ibukin 2016 n te Katenibong, Maati 23, 2016.

◼ Ni moa man Tianuare 1, 2015 ao e nang toki te babaire ibukia ekaretia nako ni kaineti ma moanakin te reirei n te Baibara n te moani Kaonobong ni katoa namwakaina. N oneani mwin anne, a kona taan uarongorongo n tibwai maekatin n aron are a kakaraoia ni Kaonobong ake tabeua. Ti kona ni kairi reirei n te Baibara n te tai ae angaraoi i nanon te namwakaina ni kamanenaani maekatin ke booki n reirei riki tabeua.

◼ Ti ingainga ni kantaningai Kuura ni Bwaiania aika aua ake a na karaoaki ni Beberuare 2015. A na karaoaki uoua i Suva, teuana i Lautoka ao teuana i Labasa. E na kabonganaaki te boki n reirei ae boou irouia bwaiania ake a kaei reirei aikai.

◼ Ti rangi ni kukurei ni katanoataa bwa e a tia te Komete Ibukin Angareirei ni kariaia karaoan te Kuura Ibukia Taan Uarongorongoa te Tautaeka n Uea i aoni Biiti. E na karaoaki te reirei n te taetae ni Biiti n: Eberi 6 nakoni Mei 29, 2015 ao n te taetae n Ingiriti n Tun 15 nakon Aokati 7, 2015.