Kabwarabwaraan Ara Koaua Ibukin 1914

Ti kaungaaki n te Baibara bwa ti riai n ‘tauraoi n taai nako ni kaeka’ ibukin ara koaua, ma ti na “karaoa anne ma te nimamannei ao te karinerine ae bati.” (1Bet. 3:15) Ni koauana, e kona ni kangaanga iroura bwa ti na kabwarabwarai koaua aika nano man te Baibara, n aron ae ti ataia ae e moana ana kairiri te Tautaeka n Uea n 1914. Ibukini buokara, ao iai te kaongora are e a tia ni katauraoaki ae uoua mwakorona ae atuna “Te Maroro ma te Aomata Temanna​—E Moanaki n Ningai Ana Tautaeka n Uea te Atua?” A kaoti kaongora aika uoua aikai n Te Taua-n-Tantani ae ti na maroroakinna n ara mwakuri ni minita n Okitobwa ao Nobembwa. N rinanoani kaongora aikai, iangoi titiraki aikai ake e kamanenai Cameron, te tia uarongorongo ae taekinaki n te kaongora.

E kangaa . . .

• ni kamanena te taeka ni kaungaunga nakoia aomata ni kaineti ma baika a kakaraoi?​—Mwa. 17:22.

• ni kaotiota te nanorinano ni kabwarabwaraa ana koaua?​—Mwa. 14:15.

Bukin tera bwa e raoiroi ngkana . . .

• n angiin te tai, e riai ni karekea moa ana tai n rinanon taian reirei?

• e toki moa i marenan ana tai ni maroro ao n titirakina kaain te auti bwa e ota n te baere e tia ni kabwarabwaraa?

• e aki iangoia ni maroroakina te rongorongo ae bati n te tai are e maroro iai?​—Ioa. 16:12.

Ai kakaitaura ngaira nakon Iehova ae ara “tia reirei [ae Moan te Kakannato],” ngkai e reiakinira arora ni kabwarabwarai koaua aika nano man te Baibara nakoia te koraki ake a rangi ni kainnanoi!​—Ita. 30:20, BG.