Aroni Kabwarabwaraan te Maekatin

Moanakin te Reirei n te Baibara n te Moani Kaonobong n Tebetembwa

“A a bati aomata aika onimakinia anera. Ko onimakinia naba ngkoe? [Kariaia te kaeka.] N am iango a kona ni buokira anera ibukina bwa a rangi ni korakora? E taekinaki n te Baibara aron aia ibuobuoki nakoia aomata ni boong aikai.” Kaota te kabanea n iteraniba n Te Taua-n-Tantani ae bwain Tebetembwa 1 ao rinanon te reirei ae mena i aan te moan titiraki ao kiibu n te Baibara aika kaotaki iai. Aanga te maekatin ao bairea manga okirana ni maroroakina te titiraki are imwina.

Te Taua-n-Tantani Tebetembwa 1

“Ko iangoia bwa a urua te aonnaba aomata n aki toki? [Kariaia te kaeka.] E ngae ngke a bon aki kona aomata ni manga katamaroa te aonnaba, ma e taekinaki n te Baibara bwa e boni kona ni karaoa anne te Atua. Ti karekea te karaunano aei man Taian Areru 65:⁠9. [Warekia.] E na maroroakinaki n Te Taua-n-Tantani aei aron te Atua ni kanakoraoa te aonnaba aei ao arora ni karekei kakabwaia nakon taai aika a na roko. I kona ni katikua iroum bwa ko na warekia?”