Te Kauring Ibukin te Kuura ni Kataneiai Ibukia Taan Uarongorongo
A na rinanoaki titiraki aikai n te Kuura ni Kataneiai Ibukia Taan Uarongorongo i nanoni wikin Aokati 25, 2014. E karinaki te bongi n namwakaina n titiraki nako aika katauraoaki ibukin te maroro, ibukini karaoan te ukeuke ni katauraoi ni katoa wiki.
Ti kanga ni buokaki n Nakoaia Ibonga 18:3 bwa ti na rarawa ni karikirakea te iango ae bwaoua ni kaineti ma te eti ao te kairua? (IEbe. 4:17-19) [Turai 7, w02-E 1/2 i. 29 bar. 4; w00 1/7 i. 16 bar. 12, 16]
Tera reireiara man te tua are taekinaki n Nakoaia Ibonga 19:2, ao bukin tera ngkai ti riai ni kakorakoraira n ongeaba iai? [Turai 7, w09-E 1/7 i. 9 bar. 5; w10 1/7 i. 26, 27 bar. 14-16]
Tera reireiara ni boong aikai man te boto n reirei ae aana te tua ibukin te karemrem? (NakIbo. 19:9, 10 ) [Turai 7, w06 1/7 i. 10-11 bar. 13-15]
Bukin tera bwa e taekina te Baibara te tua ae te “mata boona te mata” bwa bon tiaki te irantanga ni karekekai? (NakIbo. 24:19, 20) [Turai 14, w09-E 1/9 i. 22 bar. 3-4]
Baikara bukina ae a bure iai tibun Iteraera ngkana a tangira bakaon aia mwane, ma ningai ae kariaiakaki iai karakaan te bakao n te tangomwane? (NakIbo. 25:35-37) [Turai 21, w04 1/7 i. 22 bar. 4]
Bukin tera bwa e kona n taekinaki n taai nako bwa tii 12 aia baronga tibun Iteraera ngkana bon 13 aia baronga? (WarIte. 1:49, 50) [Turai 28, w08-E 1/7 i. 21]
Tera te reirei ae kaotiotaki iai te karinerine nakoia ake a kara ae ti kona ni karekea man rongorongoia tibun Rewi n tokin aia mwakuri are koreaki n Nakoaia Ibonga 8:25,26? [Aok.11, w04 1/9 i. 19 bar. 1]
Bukin tera bwa a karikirakea te nano ni ngurengure tibun Iteraera imwini kaotinakoaia mai Aikubita rinanon te kakai, ao tera reireiara ae kakawaki iai? (WarIte. 11:4-6) [Aok. 18, w95-E 1/3 i. 15-16 bar. 10; w05 1/10 i. 16 bar. 18]
Tera ae ti kona n reiakinna n aroni Mote ni butimwaea Eretata ao Metata ni karaoan te mwakuri ni burabeti? (WarIte. 11:27-29) [Aok. 18, w04 1/9 i. 20 bar. 4]
Tera te boto n reirei ae kakawaki ae ti reiakinna man te tua nakoia tibun Iteraera ngke a tuangaki bwa “a na karaoi tain etete ni maninganingani kunnikaia”? (WarIte. 15:37-39) [Aok. 25, w04 1/ 8 i. 20 bar. 7]