Aroni Kabwarabwaraan te Maekatin

Moanakin te Reirei n te Baibara n te Moani Kaonobong n Tun

“Ti kawaringkami n te tai ae kimototo aei ni maroroakina te titiraki ae kakannongora aei. [Kaota te moan titiraki ae mena i akun Te Taua-n-Tantani ae bwain Tun 1.] Tera am iango n te titiraki aei?” Kariaia te kaeka. Rinanon te kaongora i aan te moan titiraki ao teuana te kibu ma ngaia. Anga te maekatin ao bairea manga okirana ni maroroakina te titiraki are imwina n te iteraniba naba anne.

Te Taua-n-Tantani Tun 1

“Ni katoa ririki ao a a mate aomata aika tao 6,000,000 mwaitiia mani kamanenaan te moko. N am iango iai te anga ae kona ni karaoaki ibukini kauarerekeani kamanenaan te moko? [Kariaia te kaeka.] A a bati aomata ake a tia ni buokaki bwa a na kaaka te moko ke ni katoka kamanenaana man rinanoan ana iango te Atua ibukin te moko. N te katoto, ni kibun te Baibara aei ao a a tia tabeman ni kona n iangoa aron rotakia tabemwaang ni kamanenaan te moko. [Wareka 1 I-Korinto 10:24.] E kabwarabwaraaki n te maekatin aei aroni kaungaan te aomata bwa e na kaaka te moko rinanoan iangoana iroun te Atua.”