Aroni Kabwarabwaraan te Maekatin

Aroni Moanakin te Reirei n te Baibara n te Moani Kaonobong n Tianuare

“Angiia aomata bon iai oin aia koaua ibukin te Atua. A iangoia tabeman bwa te Atua bon te mwaaka ae aki kona n ataaki raoi arona. A iangoia tabemwaang bwa te Tama ngaia ae tatangira ae mena i karawa. Ko iangoia bwa te aeka n aomata raa te Atua?” Kariaia te kaeka. Kaota akun Te Taua n Tantani ae bwain Tianuare 1 ao rinanoa te kaongora anne ma ngaia n te moan titiraki ao teuana te kibu. Aanga te maekatin, ao bairea manga okirana ni maroroakina te titiraki are imwina ae kaotaki naba n te iteraniba anne.

Te Taua-n-Tantani Tianuare 1

“Ti kani kawariko tii tabeua te miniti ni maroroakina taekan te bwai ae ti bane n rotaki iai ni maten temanna ae tangiraki iroura. Ko kakoauaa bwa buan raoraom ke am koraki ae tangiraki iroum, bon te bwai ae te kabanea ni kangaanga te tokanikai iai? [Kariaia te kaeka.] A bati aika a kunea bwa e karaunano kibun te Baibara aei. [Wareka Itaia 25:8.] E maroroakinaki n te maekatin aei te berita ae kaunganano man te Baibara ibukini kamaunaan te mate, ao manga kautakiia nakon te maiu te koraki aika tangiraki iroura.”