“I Kawariko Bwa . . . ”

Ngkana a kauka aia mataroa kaain te auti ao n norira n tei iai, a na bae ni mimi bwa antai ngaira ao tera bukin rokora. Tera ara moantaeka ae ti kona n taekinna bwa a aonga n aki nako nanoia? Imwini kamaurana n aron ae kakaraoaki, a kabongana te taeka ae “bwa” tabeman taan uarongorongo ni kabwarabwaraa iai bukin rokoia. N te katoto, a kona ni kangai: “Ti kawariko ngkai bwa angiia kaain rarikim a tabeaianga n te iowawa. N am iango . . . ” ke “I kawariko bwa I kukurei n reirei ma aomata n te Baibara, n aki kabooaki.” Ngkana ko moani kawara kaain te auti ao n taekina bukina ngkai ko kawaria, e na kukurei riki ni kakauongo nakon te baere ko taekinna.