“N na Butimwaea Am Boki Ngkana Ko Butimwaea Au Boki”
Anne aia taeka tabeman kaain te auti. Kioina ngkai ti aki kaibibitii bwaai n ibuobuoki ibukin te reirei n te Baibara, ma bokin aia Aro aomata aika kabutaanako te reirei ae kewe, ti na kanga ni kaeka ma te akoi? (IRom 1:25) Ti kona ni kangai: “Ko rabwa ibukin am boki anne. Tera ae taekinaki ikai ibukini katokan ana kangaanga te botannaomata? [Kariaia te kaeka. Ngkana e tuangko bwa ko na wareka kanoan ana boki ibukini kakaaean te kaeka, ko kona ni kauringnga ae ko aki anganna am boki n aki taekina kanoana. Imwina, wareka ke mwanewea ae taekinaki ni Mataio 6:9, 10.] E taekinna Iesu bwa e na kakororaoaki i aon te aba nanon te Atua, n Ana Tautaeka n Uea te Atua. Mangaia are bokin te Aro ae I tii wawarekia, bon te boki ae katereterea Ana Tautaeka n Uea te Atua. I kona ni kaotii nakoim man te Baibara, bwaai tabeua aika kakawaki aika e na kakororaoi Ana Tautaeka n Uea te Atua?”