Aroni Kabwarabwaraan te Maekatin

Aroni Moanakin te Reirei n te Baibara n te Moani Kaonobong n Tebetembwa

“Mauri. Ti kawariko bwa ti kani maroro ma ngkoe n te tai ae uarereke, ni kaota nakoim te bwai n ibuobuoki ae kona n onimakinaki ibukini buokaia taanga ni mare ni kanakoraoa aia mare. N am iango, tera te kangaanga ae kakaiaki ae kona n uruana te maiu n taanga ae kakukurei?” [Kariaia te kaeka.] Kaota nakoina akun Te Taua-n-Tantani ae bwain Tebetembwa 1, ao maroroakina ma ngaia te kaongora ae mena i aan te moan titiraki ao teuana te kibu. Aanga te maekatin ao bairea manga okim ni maroroakina te titiraki are imwina ae kaotaki naba n te iteraniba anne.

Te Taua-n-Tantani Tebetembwa 1

“Ti kawariko bwa a bati kaain ara aono aei ae a aki toki n iaiangoa bukina ngkai te Atua e kariaia te rawawata ae korakora. Ko a tia naba n iaiangoa anne? [Kariaia te kaeka.] E kakaongora bwa e beritanaki n te Baibara bwa iai te tai ae e na toki iai te nanokawaki ao te tang. [Wareka Te Kaotioti 21:4.] E taekinaki n te maekatin aei bukina aika nimaua aika kakawaki ngkai e rangi ni bati te rawawata. E kaotaki naba iai te bae e taekinaki n te Baibara ni kaineti ma aroni katokan te rawawata iroun te Atua.”