Aroni Kabwarabwaraan te Maekatin

Aroni Moanakin te Reirei n te Baibara n te Moani Kaonobong n Tun

“A tangira reken te rau angiia aomata aika ti maroro ma ngaiia. Ma a teimatoa n riiriki buaka n te aonnaba. N am iango, bukin tera bwa e rangi ni kangaanga reken te rau n te aonnaba?” Kariaia te kaeka. Imwina, kaota kabanean iteranibaan Te Taua-n-Tantani ae bwain Tun 1, ao rinanoa te kaongora ae mena i aan te moan titiraki ao teuana te kibu. Aanga te maekatin ao bairea manga okim ni maroroakina te titiraki are imwina ae kaotaki naba n te iteraniba anne.

Taraia: E riai ni karaoaki te maroro aei bwa te kaotioti n te botaki ibukin te mwakuri ni minita n Tun 1.

Te Taua-n-Tantani Tun 1

“Ti kawariia kaain am aono aei bwa ti kani maroro ma ngaiia tabeua te miniti ni kaineti ma te kangaanga ae taabangaki. A kaaitara angiia aomata ma te riribai n te tai teuana ma teuana. N am iango, iai te tabo teuana n te aonnaba aio ae akea iai te riribai? [Kariaia te kaeka.] Nora aron te Atua n iangoia aomata ni kabane. [Wareka Mwakuri 10:34.] E maroroakinaki n te maekatin aei aron te Atua ni katoka te riribai ni kabane.”