Kaongora

◼ Booki aika a na kabonganaaki n namwakaina aika Maati ao Eberi: Te Taua-n-Tantani ao te Awake! Ngkana ko a manga okiriia aomata ao kaota nakoia te boki ae Ana Reirei te Baibara, ke ngkana e angaraoi ma kainnanon te aomata ao anganna teuana mai buakoni boroutia aika Ongeaba Iroun te Atua ke Ongeaba Iroun te Atua ao Ko na Maiu n Aki Toki, ao kataia ni moana te reirei n te Baibara ma ngaia. Mei ao Tun: Kabongana teuana mai buakon turaeki aikai: E Na Kamaiuaki te Aonnaba Aei?, Kakukurei n te Maiu n Utu, E Nang Toki te Rawawata ni Kabane!, Ko Kan Ataa te Koaua? Ngkana iai ae kaota te kan ongora, moana te reirei n te Baibara ma ngaia ni kabongana te boki ae Ana Reirei te Baibara.

◼ E na karaoaki te Kauring n te Kauabong, Maati 26, 2013. Ngkana e taneiai ami ekaretia ni botaki n te Kauabong, e riai ni bitaki nakon te bong teuana n te wiki ngkana e mwaawa te Tabo n Taromauri. Ngkana e riai kakeaan te Botaki ibukin te Uarongorongo, e riai te tia babaire n te rabwata n unimwaane ni karaoi bitaki nakon te kaetieti bwa a aonga n rinanoaki n te namwakaina anne, reirei aika manena riki ibukin te ekaretia. A riai ekaretia ake a kawaraki iroun te mataniwi n te aono ae uarereke ni bita aia tai ni bobotaki ae a taneiai ni kakaraoia n te Kauabong, nakon te bong teuana n rokon te mataniwi.