Kaongora

◼ Booki aika a na kabonganaaki n namwakaina aika Beberuare: Kabongana teuana mai buakoni boroutia aika 32 baaia: E Tabeakinira Raoi te Atua?, Kamarurungingkami n Tantani!, E Riai Bwa Ko na Kakoaua te Temanna-n-teniman?, Te Tautaeka Ae Na Kaoka te Baretaiti, Ngkana E Mate ae Ko Tangiria, Taamneia Maate​—A Kona ni Buokiko ke ni Kaikoakiko? Bon Iai Ngaiia? Maati ao Eberi: Maekatin aika Te Taua-n-Tantani ao te Awake! Ngkana ko a manga okiriia aomata ao kaota nakoia te boki ae Ana Reirei te Baibara, ke ngkana e angaraoi ma kainnanon te aomata ao anganna teuana mai buakoni boroutia aika Ongeaba Iroun te Atua ke Ongeaba Iroun te Atua ao Ko na Maiu n Aki Toki, ao kataia ni moana te reirei n te Baibara ma ngaia. Mei ao Tun: Kabongana teuana mai buakon turaeki aikai: E na Kamaiuaki te Aonnaba Aei?, Kakukurei n te Maiu n Utu, E Nang Toki te Rawawata ni Kabane!, Ko Kan Ataa te Koaua? Ngkana iai ae kaota te kan ongora ao moana te reirei ma ngaia n te Baibara ni kabongana te boki ae Ana Reirei te Baibara.

◼ E a tauraoi te kabwarabwara ae boou ibukin te Kauring, ao e riai ni kabonganaaki irouia taani kaira te Kauring ni kabane ni moa man 2013. Atun te kabwarabwara ibukin te Kauring n te ririki ae e na roko, e kangai: “Kaota Am Kakaitau Ibukin te Bwai ae E a Tia ni Karaoia Kristo Ibukim!”

◼ E kangai atun te kabwarabwara ae okoro n namwakainan te Kauring n 2013, “Bon Tokini Bwaai ni Kabane te Mate?”