Ko Kona ni Karababaa Am Mwakuri ni Minita?
1. Tera ae rangi ni kaumakaki karaoana n te mwakuri ni minita ao bukin tera?
1 E tuangia taan rimwina Iesu bwa a na “butiia Mataniwin te tai bwa e na kanakoia taani mwakuri nakon taiakin ana uaa,” ngkana a noria bwa e a rangi ni mwaiti ae kan ongora n te rongorongo ae raoiroi ibukin te Tautaeka n Uea. (Mat. 9:37, 38) E a rangi ni kaumakaki riki ngkai ara mwakuri nakon are mai imwaina, kioina ngkai ti a mena n tain tokin te mwakuri n tai. E nanonaki n aei bwa ti riai ni kakorakoraira n tataroa arora ni kabatiaa riki uataboan te mwakuri ni minita.—Ioa. 14:13, 14.
2. Tera aroia tabeman nakon te kakao ae kabatiaaia riki taan ibuobuoki n te mwakuri ni minita?
2 Karababaa Nako Ara Mwakuri ni Minita: Man ana kairiri ao ana ibuobuoki Iehova, ao a bati aika a kunea bwa a kona ni moana karaoan te mwakuri ni bwaiania. (TaiAre. 26:2, 3; IBir. 4:6) A karaoa aia kabanea ni kona tabeman ni beku bwa auxiliary bwaiania teuana te namwakaina ke e raka riki n te ririki. A kakoauaa bwa anne te anga ae tamaroa ibukini karababaan aia mwakuri ni minita. E a reke aia tai angiina mai buakoia bwa a na regular bwaiania, man te kimwareirei are a karekea n uataboan te mwakuri n auxilliary bwaiania.—Mwa. 20:35.
3. Ngkana ko a tia ngkoa ni bwaiania, tera ae ko na bae ni motinnanoia ngkai bwa ko na karaoia?
3 Ko Kona ni Manga Moana Am Bwaiania?: Ngkana ko a tia ngkoa ni bwaiania, akea te nanououa bwa ko teimatoa n ururinga te tai anne. Ko a tia n tataroakina ae ko na manga bwaiania? A a aikoa kona ni manga tukiko bwa ko na bwaiania, baika riiriki nakoim mai mwaina are ko katoka iai am mwakuri ni bwaiania. E na bae n nakoraoi riki te tai aei bwa ko na manga bwaiania.—1 Ioa. 5:14, 15.
4. Tera te mwioko ae okoro ae tauraoi ibukira ni kabane?
4 E tabe ni waakinaki ngkai te mwakuri n tai ao i aoni kawaina n toki. (Ioa. 4:35, 36) Ti bia bane n tuoi aroaroni maiura ngkai bwa ti kona ke ti aki kona ni bitii baika ti kakaraoi ni katoabong bwa ti aonga ni karababaa uataboan te mwakuri ni minita. Ke ngkana ti namakinna bwa ti aki kona ni karababaa ara mwakuri ni minita, ti kona ni kakaaei aanga riki tabeua aika uaana? (Mareko 12:41-44) Ai kakabwaiaakira ngaira n te mwakuri ae katauraoaki ibukia te koraki aika e angaraoi aroaroni maiuia ngkai ni kabonganaaki iroun Iehova n te mwakuri ae okoro aei!—TaiAre. 110:3.