Kaongora

◼ Booki aika a na kabonganaaki n namwakaina aika Tebetembwa ao Okitobwa: Te Taua-n-Tantani. Nobembwa ao Ritembwa: Kabongana teuana mai buakon turaeki aikai: E na Kamaiuaki te Aonnaba Aei?, Kakukurei n te Maiu n Utu, E Nang Toki te Rawawata ni Kabane, Iehova​—Antai Ngaia?, Te Taamnei ae Aki-mamate ao Ko Kan Ataa Riki te Baibara. Ngkana iai ae kan ongora, moana te reirei ma ngaia n te Baibara ni kabongana te boki ae Ana Reirei te Baibara.

◼ E na karaoaki te kabwarabwara ae okoro ibukia aomata nako n namwakainan te Kauring n 2013, n te wiki ae moanaki n Eberi 1. E na katanoataaki riki rimwi atun te kabwarabwara. A na karaoa te kabwarabwara ae okoro aei n te wiki are imwina, ekaretia ake a kawaraki iroun te mataniwi n te aono ae uarereke ke iai aia bwabwaro n te wikeen anne. Akea te ekaretia ae e na karaoa te kabwarabwara ae okoro aei imwain Eberi 1.

◼ E riai n tia n tuoaki ana akaunti te ekaretia ibukin namwakaina aika Tun nakon Aokati, ao imwina e na katanoataaki nakoia kaain te ekaretia. E riai naba n tia n tuoaki ana akaunti te Komete n Tararua ibukin namwakaina aika tenua akanne, ibukin ekaretia aika a kabongana te Tabo n Taromauri ae tii teuana.