Kaongora

◼ Booki aika a na kabonganaaki n namwakaina aika Turai ao Aokati: Teuana mai buakoni boroutia aika 32 baaia: E Tabeakinira Raoi te Atua?, Kamarurungingkami n Tantani!, E Riai Bwa Ko Na Kakoaua te Temanna-n-Teniman?, Te Tautaeka Ae Na Kaoka te Baretaiti, Ngkana E Mate ae Ko Tangiria, Taamneia Maate—A Kona ni Buokiko ke ni Kaikoakiko? Bon Iai Ngaiia? Tebetembwa ao Okitobwa: Te Taua-n-Tantani.

◼ E na otinako n Aokati 1 te Sing to Jehovah—Vocal Renditions, Disc 5 ao ti kona ni karekea man te atureti ae kakawaraki n te Internet ae jw.org. E na kanakoaki moa n te Ingiriti, ao e na manga kanakoaki imwina riki n taetae ake tabeua. Kam kona ni bubutii n ami ekaretia, taian Audio CD (anene ake a a tia n raweaki nakon te CD). Kioina ngkai e boraoi riki karekean te anene aei man ara atureti ae kakawaraki n te Internet, nakoni katauraoana ao kanakoana n te kaibuke, a kaungaaki te koraki ake a kona ni karekea man te Internet bwa a na karaoa anne. Ti kukurei ni kaotia bwa a tauraoi ngkai disc 1-4.