Kaongora

◼ Booki aika a na kabonganaaki n namwakaina aika Beberuare: Te Kawai Ibukin Karekean te Kakukurei n te Utu. Maati: Tera Ana Reirei ni Koaua te Baibara? Eberi ao Mei: Te Taua-n-Tantani.

◼ E kangai atun te kabwarabwara ae okoro ae na karaoaki n te wikeen ibukin te Kauring, “E Waeremwe Rokon te Toki n Aron ae Ko Iangoia?”

◼ Ngkana e irekereke am babaire ma kawaran te aba ae aki karinaki n te iteraniba ae okoro ibukin ribootin te ririki ni mwakuri ae boou, ke e aki karinaki aia atureti n te kabanea n iteraniba n te Yearbook ae boou, ao taiaoka n reitaki ma te aobiti n tararua n am tabo ibukin ataakini baika ko na karaoi ke kaetieti aika kakawaki aika ko na iri nanoia. E kona ni katabuakaki n te tabo anne karaoan te mwakuri ibukin te Tautaeka n Uea. (Mat. 10:16) N aaba tabeua, a kona n aki kariaiakaki te koraki ake a roko bwa a na reitaki ma Taani Kakoaua ke ekaretia n te tabo anne. E na bae ni katauraoaki naba te kaetieti ibukim ni kaineti ma te uarongorongo n te tai ae aki baireaki ke uotakini booki. E na ibuobuoki ongeabam nakoni kaetieti aika katauraoaki, n totokoi rikini kangaanga nakoim ke te mwakuri ibukin te Tautaeka n Uea n te aba ae ko kawaria.—1Kor. 14:33, 40.