Tera Aron Taraakia?

Anne te titiraki ae tamaroa ae ti riai n titirakinira iai ni kaineti ma booki nako ake ti kan anga. E kona ni kabuakakaaki ara botaki ni booki nako aika a rukurukumaki, a moanna n nako karaia, a baarekareka ke a raeuaaki baaia, ao e kona n aki anaaki iai nanoia kaain te auti nakon te rongorongo ae kakaongora ae karekea te maiu ae mena i nanon te boki.

Ti na kanga ni kateimatoa taraaraoin ara boki? A karekea buokaia tabeman bwa a na bairea raoi nnen aia boki bwa a aonga n aki maenako. N te katoto, iai te tabo ae a kawakini iai aia boki, maekatin ao boroutia, turaeki ao a bati riki. Ngkana a manga kaoki aia Baibara ke booki nako nakoni nnen aia boki, a karaua raoi ni kaoki bwa a aonga n aki rukurukumaki baaia. Tabeman taan uarongorongo a nnei aia boki i nanoni bwaoki aika buraun aika nneni maekatin, ke baeki aika mmani aika tau ibukini kawakinani booki. Ni kaineti ma arora ni kawakin ara boki, ti aki tangiriia aomata nako bwa a na kabuakakaa ara mwakuri ni minita ngkana ti angania booki aika a raeuaaki baaia.—2Kor. 6:3.