“N na Kanga n Ribootina te Aoa ae I Kabanea Ibukin te Mwakuri ni Minita?”

Ko a tia n tatabeka te aeka n titiraki anne? A mena kaetieti n ibuobuoki n te boki ae Baireaki Ibukini Karaoan Nanon Iehova, n te iteraniba 86-87. A katauraoaki n tabetai kaetieti riki tabeua n aron are mena n Ara Mwakuri ni Minita ae bwain Tebetembwa 2008 ni Nnen Titiraki. Kioina ngkai a kakaokoro baika riiriki nakoira, ti a aki anganaki tuua aika bati. Ngaia are e bon aki riai irouia unimwaane ke tabemwaang bwa a na karaoi kaetieti riki tabeua.

Ngkana e rio te titiraki ma akea te kaetieti ae kaineti ma ngaia, a riai taan uarongorongo n tatabemania nako n iango ni kangai: I kabongana raoi te tai n tain te mwakuri ni minita? Ke I kabongana ibukini bwaai riki tabeua ake a aki kaineti ma te mwakuri n uarongorongo? Bwaai ake ti korei i aon ara ribooti ibukin ara mwakuri ni minita ni katoa namwakaina, a riai n anganira te kukurei ma tiaki te nanokawaki ae korakora nakoni mataniwin nanora. (Mwa. 23:1) Ni koauana, te bwai ae ti na moanibwaia riki bon arora ni kamanenai ara tai n te aro ae uaana n arora ni marurung n te mwakuri ni minita, ma tiaki mwaitin ara aoa ae ti na ribootinna.—Ebera 6: 11.