Kaongora

◼ Te boki ae e na kabonganaaki n te namwakaina ae Maati: Tera Ana Reirei ni Koaua te Baibara? Kakorakorako ni moani reirei n te Baibara ma aomata iai. Eberi ao Mei: Te maekatin ae Te Taua-n-Tantani. Tun: Tera Ana Reirei ni Koaua te Baibara? Ngkana e a kaman reke te boki anne irouia kaain te auti, a kona ngkanne taan uarongorongo n anga teuana mai buakoni booki aika 192 baaia ake a boreetiaki imwain 1995 aika a moanna n rotaki baaia.

◼ Ngkana ko uarongorongo nakon temanna ae e taetae n te taetae n Tiaina, kaota nakoina te iteraniba man te boki ae uarereke ae Nations ike a mena iai te taetae n Tiaina ae (Traditional) (CH) ao te taetae n Tiaina ae (Simplified) (CHS), n te aro are ko na ataia bwa te taetae raa ae e na warekia. N angiin te tai, a tangira ni wareka riki te boki n te taetae n Tiaina ae (Traditional) (CH) kaain Hong Kong ke Taiwan, ma a tangira ni wareka riki te taetae n Tiaina ae (Simplified) (CHS) kaain Tiaina. Ma iangoa raoi te taetae are e taetae iai kaain te auti ao e mataata iai, ni kaineti ma te viteo ke te bwanaa ae raweaki. N angiin te tai, a oota n te taetae n Tiaina ae (Mandarin) (CHM) kaain Tiaina ke Taiwan, ma a oota n te taetae n Tiaina ae (Cantonese) (CHC) kaain Hong Kong.

◼ E na rinanoaki kanoan te viteo ae Jehovah’s Witnesses​—Organized to Share the Good News n te Botaki Ibukin te Uarongorongo n Aokati. Ngkana e kainnanoaki katoton te birim aei, e riai n otanaki n te ekaretia n te tai ae waekoa.