E Katuruturuaki te Taromauri n Utu n Te Karenta Ibukin 2011
Te boto n iango n Aia Karenta Ana Tia Kakoaua Iehova n 2011, bon te Taromauri n Utu. Kanoan te karenta bon utu ni boong aikai ao utu n taai ake e koreaki iai te Baibara. A kaotaki naba iai taanga ni mare ao ana toro Iehova ake a tuai ni mareaki aika a reiakina ana Taeka.
A kimwareirei n ana tua Iehova aomata aika karakinaki n te Baibara aika a kaotaki taamneia n te karenta, ao e rangi ni manena te aro aei ni buokiia bwa a na kaaitarai kangaanga aika kakaiaki. (TaiAre. 1:2, 3) Ngkai ti iaiangoi taamnei aika mena n te karenta, ti na kauringaki iai aroni kakawakin te Taromauri n Utu e ngae ngkana ti mena n te utu ae uarereke ke ae bubura, ae a maiuakina te onimaki kaaina ke ake a kaitaraa te koaua. Iai te tabo ae katauraoaki ibukim i aon te karenta, bwa ko na kaota te bong are ko karaoa iai te Taromauri n Utu n am utu. Ko a tia ni kanoaia?